【搜查線：跨世代勁本土 老友記造香港字】
東網-東方日報，2016年12月20日(二)
報導：http://hk.on.cc/hk/bkn/cnt/news/20161220/mobile/bkn-20161220060011792-1220_00822_001.html
【on.cc東網專訊】「告」字要穿頭？「滋」字要用草花頭？原來教育局設有「小學學習字詞表」規範4000多個中文字寫法，坊間卻未有一套根據字詞表而設的楷書電腦字體，無論學生還是老師，長期面對「寫嘅字同打嘅字唔同」的尷尬情況。有見及此，「香港人造香港字」運動自2014年展開，發起人希望造出屬於香港人的電腦字體，造字團隊更以銀髮老友記為主，目標是把本土文化傳承到下一代！
造字計劃以台灣一種楷書字體作基礎，再用軟件對每隻字的筆劃作細微修改，令它們符合香港的規範。成品將命名為「自由香港字型」，會以開源方式供公眾下載使用。以為玩電腦的一定是後生仔？造字班底絕對打破想像。現時整個團隊以長者為主，10多名長者會獲「分派」一定數量的字，回家「慢慢執」，每星期亦會在老人中心的電腦室聚一聚，分享經驗。
這批老友記臥虎藏龍，有退休則師，亦有退休公務員。造字一年多的Jacky即場「表演」，並以「房」字為例：「台灣字型嘅『房』，最頂係一撇，而規範入面，係一點。」60多歲的他熟練地開啟原來的「房」字，顯示出組成字體的「貝茲曲線」，用滑鼠揀選最頂一撇的線條，按下鍵盤上的Delete，重新加入預備好的「一點」，再調整線條的形狀、大細，造字過程便告完成，可以儲存。
看來簡單，其實極需耐性。現年70歲，加入團隊兩年多的大師兄Joe憶述，當初修改筆劃較多的「蕭」字，要在字的中央加上一橫，容易錯比例，「改咗三、四次社工都唔收貨，都唔知點整先叫靚」，最後慢慢微調才過關。字體要「執得靚靚仔仔」，經驗、技巧缺一不可。
說起參與原因，Jacky和Joe都表示是機緣巧合下加入，最後愈造愈有興趣。Jacky笑指好多字都有自己的故事，「唔係要造字真係唔會知」，學懂之後與家人分享，「啲小朋友當聽故事，就會覺得好有趣。」
而退休則師Martin認真地表示，時下新一代愛用emoji，「再係咁落去，以後畀個like就得，文字對呢班人係冇意義」，故希望可以透過造字工程保存中國幾千年文化，「依家呢一代鍾意講本土，其實文字就係一個地方文化嘅根。」Joe對此很是認同：「香港有自己一套文字，點解唔用？希望小朋友都識呢啲字，一代傳一代。」
作為計劃發起人，林植宣博士老人綜合服務中心高級服務幹事梁敬文表示，整個計劃目的不是要判定字型的對與錯，事實上亦難分對錯，重點在於解決數十年來，「寫嘅字同打嘅字唔同」的情況。他續指，除造字外，亦希望透過團隊，體現「長幼共融、世代團結」。
字型將於明日（21日）正式發布，可在facebook「自由香港字型」專頁免費下載。梁謂發布日子經精心挑選，「係對中國人好重要嘅冬至」，節氣含意是全年日照最短一日，喻意新字體會帶來一個新開始。他指，4000多字是第一階段計劃，未來將把字庫擴展至逾2萬字，方便公眾使用。
